نرخی زێڕ بەرزترین ئاست لە مێژوو تۆمار دەکات

ئاڤا نیوز

 

نرخی زێڕ بۆ بەرزترین ئاستی خۆی لە مێژوو تۆمار کرد و نرخی ئۆنسێکی گەیشتە 2472 دۆلار. 

 

زانیاریی بەدەستهاتوو: نرخی زێڕ بە بڕی 0.13 بۆ 2465 دۆلار بۆ هەر ئۆنسێک بەرزبووەوە، کە گرێبەستەکانی داهاتووشی بەڕێژەی 0.17% بۆ 2472.1 دۆلار بۆ هەر ئۆنسێکی بەرزبووەوە. 

لەلایەکی دیکەوە: لە هەرێمی کوردستان نرخی ئۆنسێک زێڕی عەیار 24 بۆ 595 هەزار دینار، عەیار 21 بۆ 520 هەزار دینار و عەیار 18 بۆ 445 هەزار دینار بەرزبوونەوەیان تۆمار کرد. واتە بەراورد بە دوو رۆژی رابردوو نرخی هەر مسقاڵێک بە نزیکەیی 15 بۆ 20 هەزار دینار بەرزبووەتەوە.

 

هۆکارە زانراوەکان: پێشبینییەکان بۆ دابەزاندنی نرخی سوو لەلایەن یەدەگی فیدراڵی ئەمریکاوە لە مانگی ئەیلوولی داهاتوو وای کرد نرخی زێڕ بۆ بەرزترین ئاستی بەرزبوونەوە تۆماربکات، بە تایبەت دوای ئەوەی جێرۆم پاوڵ سەرۆکی یەدەگی فیدراڵی ئەمریکا رایگەیاند، چاوەڕێ ناکەن تاوەکو نرخی سوو بۆ ئاستی 2% دابەزێت، بەڵکو دەست بە ئاسانکاری سیاسەتی نەختینەیی دەکەن.