حکومەتی عێراق بڕیاری خەرجکردنی مووچەی مانگی هەشتی دا

ئاڤا نیوز

لە کۆبوونەوەی ئەنجوومەنی وەزیرانی عێراق بڕیاری خەرجکردنی مووچەی مانگی هەشتی مووچەخۆرانی کوردستان درا.

 

چیرۆکی سەرەکی: ئەمڕۆ سێشەممە ئەنجوومەنی وەزیرانی عێراق بەسەرپەرشتیی محەممەد شیاع سوودانی و ئامادەبوونی تەیف سامی، وەزیری دارایی، کۆبوونەوەی هەفتانەی کرد، لە کۆبوونەوەکەشدا بڕیاری خەرجکردنی مووچە درا.

 

لێدوانی فەرمی: بەپرسێکی باڵای حکومەتی عێراق کە لە کۆبوونەوەکە بەشدار بوو، بە ئاڤا نیوزی ڕاگەیاند: لە کۆبوونەوکەدا بڕیاری خەرجکردنی مووچەی مانگی هەشتی مووچەخۆرانی کوردستان درا و سوودانی تەیف سامی ڕاسپار پارە بۆ هەرێمی کوردستان بنێرێت.

هەنگاوی داهاتوو: لە دوو ڕۆژی داهاتوودا دەست بە ڕێکارەکانی ناردنی پارە دەکرێت و چەند ڕۆژێک دەخایەنێت. سەرەتا ئەنجوومەنی وەزیرانی عێراق نووسراوی خەرجکردنی مووچە بۆ وەزارەتی دارایی عێراق دەنێرێت، دواتر لە وەزارەتی دارایی و بانکی ناوەندی دەست بە ڕێکارەکانی ناردنی پار دەکرێت.

ئەوەی پێشبینی دەکرێت: ئەگەر ئەنجامدانی ڕێکارەکان لە بەغدا هاوشێوەی مانگەکانی ڕابردوو بێت، ناردنی پارە و دابەشکردنی مووچەی مانگی هەشت دەکەوێتە هەفتەی داهاتوو.

باکگراوند: ئەمڕۆ وەزارەتی دارایی و ئابووریی هەرێمی کوردستان 120 ملیار دینار داهاتی نانەوتی مانگی هەشتی بە کاش خرایە سەر هەژماری لقی هەولێری بانکی ناوەندی عێراق.