هاوکاریی هاوپەیمانان بۆ لیوا هاوبەشەکان گەیشتە بانکەکان

ئاڤا نیوز 

 

لیستی هاوکارییەکانی هاوپەیمانان بۆ لیوا هاوبەشەکان گەیشتە بانکەکان، بەرپرسێکی وەزارەتی پێشمەرگە بۆ ئاڤا نیوز گوتی، سبەی پێنجشەممە لەگەڵ پێدانی دوو مووچە هاوکاریەکەش دابەش دەکرێت.

 

وێنە گەورەکە: بەگوێرەی خشتەی وەزارەتی دارایی سبەی پێنجشەممە 18-07-2024 مووچەی وەزارەتی پێشمەرگە بە لیوا هاوبەشەکانەوە، مووچەی هێزەکانی یەکەی 80 و 70، هێزەکانی زێرەڤانی، بەرگری و فریاکەوتن دابەش دەکرێت و لیوا هاوبەشەکان هاوکاری دارایی هاوپەیمانان وەردەگرن.

 

لێدوانی فەرمی: سەرچاوەیەک لە وەزارەتی پێشمەرگە بۆ ئاڤا نیوزی گوتی، "لیوا هاوبەشەكانی وەزارەتی پێشمەرگە، جگە لە مووچەی دوو مانگ كە پێكەوە وەریدەگرن، بڕی 435 هەزار دينار وەک هاوكاریی هاوپەیمانان وەردەگرن".

 

زانیاریی زیاتر: ئەو هاوکارییە هەموو مانگێک دەبێت و تاوەکو 01-01-2026 بەردەوام دەبێت، 50 هەزار پێشمەرگەی 30 لیوای هاوبەش دەگرێتەوە.