لە سەرەتای ئەمساڵەوە لە هەولێر 10 كەس خنكاون

ئاڤا نیوز  

گوتەبێژی بەرگریی شارستانیی هەولێر ڕایگەیاند، لە سنووری هەولێر لە سەرەتایی ئەمساڵەوە تاکو ئێستا 10 کەس لە کاتی مەلەکردندا خنکاون.

وێنە گەورەکە: بە هۆی بەرزی ژمارەی ڕووداوەکانی خنکان لە ساڵانی ڕابردوو، بەرگریی شارستانی هەرێمی کوردستان ئەمساڵ ڕێکار و ڕێنماییەکانی مەلەکردنی تووند کردووە و قەدە‌غەی خستووەتە سەر چەندین شوێنی مەلەکردنی ناوچە گەشییارییەکان.

لێدوانی فەرمی: شاخەوان سەعید، گوتەبێژی بەرگریی شارستانیی هەولێر بە ئاڤا نیوزی ڕاگەیاند: "سەرەرای هەبوونی ڕێنمایی بۆ ئەوەی هاووڵاتییان دووربکەوەنەوە لە مەلەکردن، بەڵام لە سنووری هەولێر تاوەکو ئێستا 10 کەس لە کاتی مەلەکردندا خنکاون".

ژمارەکان وا دەڵێن: لە ناوچە گەشتیارییەكانی سنوری پارێزگای هەولێر حاڵەتەكانی خنكان بەم شێوەیە بووە، چەمرگه یەک حاڵەتی مردن، شێخ توراب سێ حاڵەت، خەبات یەک حاڵەت، كۆیە سێ حاڵەت.

باکگراوند: لە ساڵی 2023دا تەنیا 31 حاڵەتی خنکان لە سنووری هەولێر ڕوویداوە.