ئاڤا ناوی سەرۆک بازنەکانی کۆمەڵی دادگەری ئاشکرا دەکات

ئاڤا نیوز 

ئەندامێکی مەکتەبی سیاسیی کۆمەڵی دادگەری کوردستان ڕایگەیاند، بۆ هەڵبژاردنی پەرلەمانی کوردستان 60 بەربژێریان دەبێت.

وێنە گەورەکە: ڕۆژی 18-7-2024، لەلایەن کۆمیسیۆنی باڵای سەربەخۆی هەڵبژاردنەکانەوە، وەک دواین وادە بۆ پێشکەشکردنی لیستی ناوی بەربژێرەکان دیاریکراوە.

لێدوانی فەرمی: فاروق عەلی، ئەندامی مەکتەبی سیاسی کۆمەڵی دادگەری کوردستان بە ئاڤا نیوزی گوت: سەرۆکی بازنەکانمان پێکهاتوون لە عەبدولستار مەجید لەبازنەی هەولێر، عومەر گوڵپی بازنەی سلێمانی، عەباس محەممەد بازنەی هەڵەبجە، مەلا عەنتەر بازنەی دهۆک.

زانیاریی زیاتر: ژمارەی بەربژێرەکانی کۆمەڵی دادگەری بۆ هەڵبژاردنی پەرلەمانی کوردستان 60 بەربژێر دەبێت.

ئەوەی پێویستە بیزانیت: ژمارەی بەربژێرەکان لە بازنەکان بەم جۆرە دەبێت، هەولێر 16، سلێمانی 32، هەڵەبجە پێنج، دهۆک شەش.