لە ماوەی 48 کاتژمێری داهاتوودا لیستی مووچە ڕەوانەی بەغدا دەکرێت

ئاڤا نیوز

وەزارەتی دارایی و ئابووری لە ماوەی 48 کاتژمێری دهاتوودا لیستی مووچە بە کاغەز و سیدی ڕەوانەی بەغدا دەکات.

وێنە گەورەکە: مانگی ڕابردوو سەرۆکوەزیران مەسرور بارزانی، داوای لە سەرجەم وەزارەت و دەستە و  فەرمانگەکان کرد لەمەدوا زووتر لیستی مووچە ئامادە بکەن، بۆ ئەوەی ناردنی  مووچە دوانەکەوێت و کات لەبەردەست بێت بۆ چارەسەرکردنی هەر تێبینییەک  حکومەتی عێراق هەیبێت.

لێدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: دوێنێ چوارشەممە یەکەی ژمێریاریمان ڕاسپارد بۆ ئەوەی هەموو ئامادەکارییەک بکەن، بۆ ئەوەی ئەگەر ڕۆژی پێنجشەممە فریاکەوتین لیستی مووچەی مانگی حەوت بە کاغەز و سیدی ڕەوانەی بەغدا بکەین”.

زانیاریی زیاتر: ئەگەر وەزارەتی دارایی ئەمڕۆ فریانەکەوت، ڕۆژی شەممە لیستی مووچەی  مانگی حەوت ڕەوانەی بەغدا دەکات بۆ ئەوەی ڕۆژی یەکشەممە وەزارەتی دارایی عێراق کاری لەسەر بکات.