نرخی نەوت 81 دۆلار تێدەپەڕێنێت

ئاڤا دیجیتاڵ

بەهۆی ئەو تەنگژانەی ڕووی لە ڕۆژهەڵاتی ناوەڕاست كردووە، نرخی نەوت 81 دۆلاری تێپەڕاند.

وێنە گەورەكە: قووڵبوونەوەی كێشەكانی دەریای سوور و ڕەتكردنەوەی پێشنیاری ئاگربەست لەلایەن ئیسرائیل لە كەرتی غەززەی فەڵەستین، ڕاستەخۆ كاریگەرییان لەسەر نرخی نەوت دروستكردووە.

كاریگەری و لێكەوتەكان: نرخی بەرمیلێك نەوتی خاوی برێنت بە 81 دۆلار و 46 سەنت مامەڵەی پێوەدەكرێت، ئەمەش لەكاتێكدایە كە دوێنێ‌  نرخی بەرمیلێك نەوتی برێنت بە 79 دۆلار و 55 سەنت مامەڵەی پێوەدەكرا.  

زانیاری زیاتر: نرخی بەرمیلێك نەوتی رۆژئاوای تێكساس بە 76 دۆلار و 13 سەنت مامەڵەی پێوەدەكرێت، لەكاتێكدا دوێنێ‌ نرخی بەرمیلێك نەوتی خاوی تێكساس،  بە 74 دۆلار و 17 سەنت مامەڵەی پێوەدەكرا.