پووتین: دەبێت جیهان لەگەڵ ئیلۆن مەسك ڕێكبكەوێت

ئاڤا دیجیتاڵ

سەرۆکی روسیا دەڵێت، دەبێت جیهان دانوستان لەگەڵ بازرگانی بەناوبانگ ئیلۆن مەسک بکات، دوای ئەوەی سەرکەوتنی چاندنی یەکەم چیپی ئەلیکترۆنی لە مێشکی مرۆڤدا ڕاگەیاند.

لێدوانی فەرمی: ئیلۆن مەسک، چیپێکی لە مێشکی مرۆڤێکدا چاندووە لە ویلایەتە یەکگرتووەکانی ئەمریکا، پێموایە ئەستەمە ڕاگرتنی مەسک، وەک چۆن بەردەوام دەبێت، بەڵام پێویستە بە جۆرێک یان شێوازێکی دیکە دانوستانی لەگەڵدا بکەین، ئەگەرنا پێویستە بەدوای ڕێگایەکدا بگەڕێین بۆ ئەوەی رازی بکەین. ڤلادیمیر پووتین، لە چاوپێکەوتنێکی ڕۆژنامەوانییدا وای گوت.

"  ئەو کارانەی  ئیلۆن مەسک دەیکات پێویستە لەژێر چاودێری یاسییدا ئەنجامیان بدات و جیهان لەگەڵی ڕێکبکەوێت".

باکگراوند: هەفتەی ڕابردوو ئیلۆن مەسک، بازرگانی ئەمریکی ئاشکرای کرد، یەکەمین کەس کە چاندنی چیپی ئەلیکترۆنی بۆ کراوە تەندروستی باشە و یەکەم داتای بەدەست هاتوو سەبارەت بە کارپێکردنی ئامێرەکە ئەنجامێکی ئومێدبەخش نیشان دەدات.

زانیاريی زیاتر: ئامێرە نوێیەکە ناوی Telepathy توانای کۆنتڕۆڵکردنی مۆبایلێکی زیرەک یان کۆمپیوتەر بە خاوەنەکەی دەبەخشێت، بە بەکارهێنانی هێزی بیرکردنەوە، بە پلەی یەکەم بۆ ئەو کەسانە دروستکراوە کە توانای بەکارهێنانی ئەندامەکانیان لەدەستداوە.