لە سەرەتای ئەمساڵەوە لە دیاله‌ 31 كەس خنكاون

ئاڤا نیوز

تەندروستی پارێزگای دیالە بڵاویكرده‌وه‌، لە سەرەتای ئەمساڵەوە تاوەکو ئێستا 31 حاڵەتی خنکان لە ڕووبارەکاندا تۆمارکراوە، زۆربەیان منداڵ و هه‌رزه‌كارن .

لێدوانی فەرمی: فارس عەززاوی، گوتەبێژی تەندروستی دیالە ڕایگەیاند: زۆربەی حاڵەتەکانی خنکان لە ناوچەکانی ده‌للی عەباس و سندییە لە کاتی مەلەکردندا ڕوویانداوە.

ئه‌وه‌ی ئێستا ڕووده‌دات: فەرماندەیی پۆلیسی پارێزگاکە تیمه‌كانی راسپاردووە، بۆ به‌وه‌ی ڕێکارەکانیان تووندتر بکەنەوە و 24 کاتژمێر لە لێواری ڕووبارەکاندا ئامادەبن بۆ ڕێگریكردن له‌هه‌ر حاڵه‌تێكی نه‌خوازراو و دوزێنه‌وه‌ی ته‌رمی خنکاوەکان.