لیستی مووچەی مانگی حەوت ڕادەستی بەغدا دەکرێت

ئاڤا نیوز

 

بەپێی سەرچاوەیەک لە وەزارەتی دارایی، ئەمڕۆ وردبینی بۆ لیستی مووچەی مانگی حەوت دەکرێت و سبەی ڕەوانەی بەغدا دەکرێت.

 

لێدوانی فەرمی: سەرچاوەیەک لە وەزارەتی دارایی و ئابووری بە ئاڤا نیوزی گوت: ئێستا سەرقاڵی پێداچوونەوەی زانیاریی نێو لیستی ناوی مووچەخۆرانین، شەو لیستەکە بۆ بەغدا دەنێرین، تا سبەی یەکشەممە 21-7-2024 لیستەکە ڕادەستی وەزارەتی دارایی عێراق دەکەین و ئەوانیش وردبینی تێدا بکەن.

 

وێنە گەورەکە: مانگانە حکومەتی هەرێمی کوردستان لیستی مووچەی مووچەخۆران ئامادە دەکات و بۆ بەغدای ڕەوانە دەکات، تا لەکاتی ناردنی پارە گرفت و بیانوویەک لە نەناردنی دروست نەبێت.