قەیس خەزعەلی لە بەغدا سەردانی بارەگای ئەنساروڵڵا دەکات

ئاڤا نیوز

 

وەک هاوسۆزییەک بۆ گەلی یەمەن لە بەرامبەر هێرشەکانی ئەم دواییەی ئیسرائیل بۆ سەر وڵاتەکە، ئەمینداری گشتیی عەسائیب ئەهلی حەق سەردانی بارەگای بزووتنەوەی ئەنساروڵڵای کرد لە بەغدا.

 

وێنە گەورەكە: ئێوارەی ڕۆژی شەممە 20-07-2024، سوپای ئیسرائیل شاری حودەیدییەی لە یەمەن كردە ئامانج و چەندین كۆگای چەكی حووسییەكانی بۆردوومان كرد، بەیانیی ڕۆژی یەكشەممە، حووسیەكان وەک وەڵامێک زیاتر لە 20 مووشەكیان ئاراستەی ئیسرائیل كرد.

 

پەیامی فەرمی: قەیس خەزعەلی لە تۆڕی "X" ڕایگەیاند: "وەک هاوسۆزی لەگەڵ گەلی سەربەرزی یەمەنمان، لە بەرامبەر دەستدرێژییەکانی ئەم دواییەی زایۆنیستەکان، سەردانی بارەگای بزووتنەوەی ئەنساروڵڵامان کرد لە بەغدا و لەگەڵ برام ئەبو ئیدریس شەرەفی کۆبووینەوە، سڵاوی بەڕێز عەبدولمەلیک حووسی بە ئێمە گەیاند".

 

زانیاریی زیاتر: "لە ئێمەوە و بۆ هەموو گەلی یەمەن، ڕێز و پێزانینمان بۆتان هەیە و نزای سەرکەوتنتان بەسەر دوژمنانی ئیسلام و مرۆڤایەتی بۆ دەکەین". خەزعەلی وادەڵێت.