حوسییەکان بارەگایه‌ک لە بەغدا دەکه‌نه‌وه‌

ئاڤا نیوز

 

حوسییەکان بە نیازن بارەگایەک لە بەغدا بکەنەوە و بەرپرسێکی نزیک له‌ حه‌شدی شه‌عبی بۆ کاروبارەکانی بارەگاکە دیاری دەکەن.

 

زانیاریی به‌ده‌ستهاتوو: بزووتنەوەی ئەنساروڵَڵای یەمەن ناسراو به‌ (گرووپی حوسییەکان) بارەگای خۆیان لە گەڕەکی جادریەی شاری بەغدا کردەوە و ئەبو ئیدریس شەرەفییان وەک سەرۆکی نووسینگه‌كه‌ دەستنیشان کرد.

 

له‌لایه‌كی دیكه‌وه‌: ڕاوێژکارێكی سەرۆکوەزیرانی عێراق ڕایگەیاند، "ئەوە نووسینگە و نوێنەرایەتی نییە، بەڵکو بارەگایەکی ئەندامانی بزووتنەوەکەیە، کە پێشتر لە هۆتێلێکی شاری بەغدا نیشتەجێ بوون".

 

چیرۆکی سەرەکی: هەینی ڕابردوو، شەرەفی لە بەغدا سەردانی بارەگای حه‌شدی شه‌عبی کرد و ستایشی ڕۆڵى چه‌كدارانی حه‌شدی كرد بۆ پیشتیوانی له‌ بزووتنه‌وه‌كه‌یان.

 

ئه‌مه‌ش بزانه‌: حوسییەکان گرووپێكی چه‌كداری ئایینی نزیک له‌ ئێران و حیزبوڵڵای لوبنانین، لە ساڵی 1992 لەلایەن حوسێن به‌دره‌دین حوسی لە دژی حکومەتی یەمەن دامەزرا.