فێڵێکی جیاواز بۆ گواستنەوەی ماددەی هۆشبەر ئاشکرا دەکرێت

ئاڤا نیوز 

دەزگای ئاسایشی هەرێم دەست بەسەر 44 پەرتووکی ڕووپۆشکرا بە ماددەی هۆشبەری جۆری کریستاڵدا دەگرێت.

وێنە گەورەکە: چەند ساڵێکە بەرهەمهێنانی ماددە هۆشبەرەکان لە چەند وڵاتێکی دراوسێ زیادییان کردووە، بازرگانان دەیانەوێت هەرێمی کوردستان وەک شوێنی گواستنەوەی ئەو ماددانە بەکاربێنن، بەڵام  بەردەوام دەستگیر دەکرێن.

چیرۆکی سەرەکی: بە پشتبەستن بە زانیاریی هەواڵگریی پێشوەختە، لە نزیک سلێمانی کەسێک لەلایەن دەزاگی ئاسایشی هەرێم دەستگیر دەکرێت کە 44 پەرتووکی چاپکراوی هاوشێوەی مەلزەمەی لابووە.

لێدوانی فەرمی: عەقید سەلام عەبدولخاڵق، گوتەبێژی دەزگای ئاسایشی هەرێم بە ئاڤا نیوزی ڕاگەیاند: یەکەمجارە ئەم شێوازە بەکاردەهێنرێت، کتێبەکان لە سنووری پێنجوێن هێنراون و ئەو کەسە دەیویست بیانگوازێتەوە بۆ بەریتانیا.

ئەوەی پێویستە بیزانیت: پەرتووکەکان ڕووپۆشکراون بە ماددەی (ئەمفیتامین-کریستاڵ) ئەو کەسە دەیوست بەو تەکنیکە بیگوازێتەوە، بەڵام بەگوێرەی ماددەی 26 لە یاسای ماددە هۆشبەرەکان و کارتێکەرە ئەقڵییەکان ڕاگیراوە و لێکۆڵینەوەی لەگەڵ دەکرێت.