چوار جۆری باج لە کوردستان ڕادەگیرێن

ئاڤا نیوز

 

بەمەبەستی ڕەچاوکردنی دۆخی دارایی هاووڵاتیان و کاسبکاران، حکومەتی هەرێمی کوردستان چوار جۆری باجی ڕاگرت.

 

کۆنگرەی ڕۆژنامەوانی: کەمال وەرتی، بەڕێوەبەری گشتیی باجەکان و خانووبەرەی میری ڕایگەیاند: لەسەر فەرمانی سەرۆکوەزیران بارزانی و بۆ ڕەچاوکردنی دۆخی دارایی هاونیشتمانیان، باج لەسەر ژمارەیەک کاسبکار ڕادەگیرێت.

 

ئەم باجانە ڕادەگیرێن:


باجی سەر چێشتخانە و هۆتێلەکان
باجی سەر نەخۆشخانە تایبەتەکان
باجی سەر سەمونخانە و نانەواخانەکان
باجی زەوییە بەتاڵەکان

باجی مانگانەی چێشتخانە و هۆتێلەکان: نزیکەی دوو ملیار دینار
باجی مانگانەی نەخۆشخانە تایبەتەکان: نزیکەی 600 ملیۆن دینار
باجی مانگانەی سەمونخانە و نانەواخانەکان: نزیکەی 50 ملیۆن دینار
باجی مانگانەی زەوی بەتاڵ: نزیکەی دوو ملیار دینار.

لەلایەکی دیکەوە: پێشەوا هەورامانی، گوتەبێژیی حکومەتی هەرێمی کوردستان لەبارەی هەمان بابەت ڕاگەیێنراوێکی  بڵاوکردەوە و ڕایگەیاند، چوار باجەکە تاوەکو یەکلاکردنەوەی ڕێکخستنەوەی ڕێکارەکانی وەرگرتنی باج لەگەڵ دامودەزگاکانی حکومەتی عێراق و هەموارکردنەوەی یاسای باج ڕادەگیرێن.