نرخی زێر زیاتر بەرز دەبێتەوە

ئاڤا نیوز

 

پێشبینی دەکرێت لەمساڵدا یەدەگی فیدراڵی ئەمریکا سێ جار ڕێژەی سوو داببەزێت.

 

چیرۆکە سەرەکییەکە: لەگەڵ دابەزینی ڕێژەی هەڵاوسان و سەقامگیری بازاڕی کار، پێشبینی دەکرێت لەمساڵدا یەدەگی فیدراڵی ئەمریکا (بانکی ناوەندی) لە کۆتایی ئەمساڵدا سێ جار ڕێژەی سوو دابەزێنێت.

 

هۆکارە زانراوەکان: ڕیتچارد کلاریدا شارەزای ئابووری و ڕاوێژکار لە کۆمپانیای بیمکۆ، لە هەمان کاتدا لە ساڵانی 2018 – 2022 جێگری سەرۆکی ئەنجوومەنی یەدەگی فیدراڵی ئەمریکا دەڵێت، لەمساڵدا یەدەگی فیدڕاڵی ئەمریکا دوو جار ڕێژەی سوو دابەاندووە و بە دووریشی نازانێت بۆ سێیەم جاریش پەنا بۆ دابەزاندنی نرخی سوو ببات. 

 

ئەوەی پێویستە بیزانیت: دابەزاندنی نرخی سوو ڕاستەوخۆ کاریگەری لەسەر نرخی زێڕ دەبێت، لەگەڵ بڵاوبوونەوەی پێشىینییەکان بە دابەزاندنی نرخی سوو نرخی زێڕ بۆ 2482 دۆلار بۆ هەر ئۆنسێک بەرزبووەوە، بۆیە پێشبینی دەکرێت، لەگەڵ هەر دابەزاندنێک لە نرخی سوو ئەو کانزا زەردە زیاتر بەرزبێتەوە.