وەزیری دارایی لەبارەی مووچەی فەرمانبەران: گەشبینین کێشەکە چارەسەر بێت

ئاڤا نیوز

 

وەزیری دارایی هەرێمی كوردستان لە کۆبوونەوەی لەگەڵ شاندێکی زانکۆی پۆلیتەکنیکی گەرمیان باسی چارەسەركردنی كێشەی مووچەی فەرمانبەرانی کردووە و ڕایگەیاندووە، گەشبینین بە چارەسەرکردنی کێشەکە.

 

وێنە گەورەكە: گفتۆگۆكانی نێوان حكومەتی هەرێمی كوردستان و عێراق لەبارەی بابەتی مووچە و بودجە بەردەوامە و بەرپرسانی باڵای هەرێمی كوردستان چەندین جار بە فەرمی ئەوەیان ڕاگەیاندووە، ئەو کارانەی لەئەستۆی ئەوانە جێبەجێیان كردووە.

 

ڕاگەیێنراوی فەرمی: بەپێی ڕاگەیێنراوێكی وەزارەتی دارایی، ئاوات شێخ جەناب لە چوارچێوەی كۆبوونەوەیەكی لەگەڵ شاندێکی زانکۆی پۆلیتەکنیکی گەرمیان و پەیمانگەی تەکنیکی بەکرەجۆ، گەشبینی خۆی نیشانداوە بە چارەسەرکردنی کێشەی مووچە لەگەڵ حکومەتی عێراق.