داعش لەنێوان سووریا و عێراق چالاک دەبێتەوە

ئاڤا نیوز

 

هەسەدە ژمارەیەک لە ئەندامانی داعشی لە زیندانەکانییەوە ئازاد کردووە، بەپێی چەند سەرچاوەیەک ئەو ئەندامانەی داعشانە بەرەو عێراق هاتوون.

 

وێنە گەورەکە: هەسەدە بە سەدان داعشی عێراقی ئازاد کردووە کە لەدوای شکستی داعش لە مووسڵ بەرەو سووریا هەڵاتبوون و ژمارەیەکی زۆر لەوان دزەیان کردووەتە نێو خاکی عێراق.

 

ڕاگەیێنراوی فەرمی: بەدر شەمەری، ئەندامی ئەنجوومەنی عەشایەری ڕۆژئاوای نەینەوا و سەرکردەی سەربازیی حەشدی عەشایەری ڕایگەیاند، "470 ئەندامی ڕێکخراوی داعش لەلایەن هێزەکانی هەسەدە ئازادکراون و دزەیان کردووەتە نێو خاکی عێراق". 

 

لەلایەکی دیکەوە: "سنووری عێراق لەگەڵ سووریا بەتەواوی پارێزراوە و ئازادکردنی زیندانیانی داعش مەترسیی بۆ سەر ئاسایشی عێراق نییە". یاسر ئەسکەندەر ئەندامی لیژنە ئەمن و بەرگریی لە پەرلەمانی عێراق وا دەڵێت.

 

ئەوەی پێویستە بیزانیت: تاوەکو ئێستا هێزە ئەمنییەکانی عێراق هیچ ڕوونکردنەوە و لێدوانێکیان لەوبارەیەوە نەداوە، بەڵام بەپێی میدیا عێراقییەکان بەشێک لە ‌هێزە ئەمنییەکان لە حاڵەتی ئامادە باشیدان.