لە یەک مانگ 1390 کەس سەردانی نەخۆشخانەی دەروونی هەولێریان کردووە

ئاڤا نیوز 

 

بەپێی داتای بەڕێوبەرەیەتیی گشتیی تەندروستی هەولێر، لە ماوەی یەک مانگی ڕابردوودا 1390 کەس سەردانی نەخۆشخانەی دەروونی هەولێریان کردووە.

لێدوانی فەرمی: دکتۆر فەیسەڵ مستەفا، پسپۆری دەروونی بە ئاڤا نیوزی ڕاگەیاند، ئەم ژمارە سەردانیکارە بۆ نەخۆشخانەی دەروونی هەولێر تەنیا لە ماوەی یەک مانگدا زۆرە، بۆیە پێویستە بەڕژدی کار بۆ کەمکردنەوەی بکەین و لە هۆکارەکەی بکۆڵرێتەوە".

 

بۆچی گرنگە: پێشتر خەڵکی کوردستان چوونە لای دکتۆری دەروونییان بە عەیب دەزانی، بەڵام ئەم ئامارە دەیسەلمێنێت کە هۆشیاری لەناو خەڵک چووەتە سەرەوە و گرنگی بەلایەنی دەروونی خۆیان دەدەن.

 

زانیاریی زیاتر: زۆرترین ئەو کەسانەی سەردانی نەخۆشخانەی دەروونی هەولێریان کردووە،  دوو حاڵەتییان هەیە، یەکەم بەهۆی خەمۆکییە، ئەگەر ئەم جۆرە چارەسەر نەکرێت دەگاتە حاڵەتی تووند، یان بەهۆی حاڵەتی تێکچوونی دڵ یان دڵەڕاوکێیان بووە.