پەرلەمانی عێراق هه‌مواری یاسای باری کەسی دواخست

ئاڤا نیوز

به‌هۆی ناكۆكی نێوان پەرلەمانتارانی عێراق، سه‌رۆكایه‌تی په‌رله‌مان خوێندنه‌وه‌ی یه‌كه‌می هەمواری یاسای باری کەسی دواخست بۆ كاتێكی نادیار.

وێنە گەورەکە: بەپێی هەمواری یاساکە، لە کاتی گرێبەستی هاوسەرگیریدا، پێویسته‌ له‌سه‌ر هه‌ردوو هاوسه‌ر ئه‌و مه‌زهه‌به‌ دیاری بكە‌ن ( شیعە یان سوننە ) بۆ ئەوەی لە ژیانی هاوسەرگیریاندا پشت بە یاساکانی ببەستن، لەکاتی ناکۆکیی نێوان ژن و پیاوێکی مەزهەب جیاوازدا، مەزهەبی پیاوەکە کاری پێدەکرێت.

زانیاریی زیاتر: له ‌هەمواری یاساکەدا دادگەی باری کەسی گرێبەستەکانی هاوسەرگیری پەسەند دەکات، دوای ئەوەی لە لایەن کەسانی ڕێگەپێدراوەوە لە دیوانی وەقفی سوننە یان شیعە یان لایەنێکی شەرعی دیكه‌ پەسند دەکرێت.