مووچەی ژینگەپارێزانی ئیدارەی ڕاپەڕین زیاد دەكرێت

ئاڤا نیوز 

 

لەسەر داواكاری ئیدارەی سەربەخۆی ڕاپەڕین و بە ڕێككەوتن لەگەڵ كۆمپانیای پەیوەندیدار، مووچەی ژینگەپارێزانی سنوورەكە زیاد دەكرێت.

 

وێنە گەورەكە: ئیدارەی سەربەخۆی ڕاپەڕین پڕۆژەی كۆكردنەوەی خۆڵ و خاشاكی سنوورەكە بەو مەرجە دەداتە كۆمپانیایەكی پەیوەندیدار كە مووچەی ژینگەپارێزەكان زیاد بکات، دواجار بڕیار درا مووچەیان لە 335 هەزارەوە بكرێتە 400 هەزار دیناری مانگانە.

 

ڕاگەیێنراوی فەرمی: بەپێی ڕاگەیێنراوێكی ئیدارەی سەربەخۆی ڕاپەڕین پڕۆژەكە بە كۆمپانیایەک دراوە و جگە لەوەی مووچەی مانگانەی ژینگەپارێزانی سنوورەكە بە 400 هەزاری مانگانە بڕیاری لێ دراوە، كرێی دەستەبەری كۆمەڵایەتیش لە ئەستۆی كۆمپانیاكە دەبێت.

 

ئەوەش بزانە: لە هەرێمی كوردستان، لەلایەن شارەوانی و كارگێڕیی شارەكانەوە، بەپێی گرێبەست و چەند مەرجێک، پڕۆژەی كۆكردنەوەی خۆڵ و خاشاكی هەر دەڤەرێک بە كۆمپانیایەک دەدرێ.