لە سنووری سلێمانی نزیکەی دوو هەزار دۆنم پوش و پاوان دەسووتێن

ئاڤا نیوز 

 

لە چەند ڕووداوێکی ئاگرکەوتنەوەدا لە سنووری ناحیەی بنگرد، عەربەت و قەزای ماوەت نزیکەی دوو هەزار دۆنم پووش و پاوان سووتان، دوو هەزار داری سروشتیش زیانیان پێگەیشتووە.

 

ڕاگەیێنراوی فەرمی: بەڕێوەبەرایەتی پۆلیسی دارستان و ژینگەی پارێزگای سلێمانی دەڵێت" لە سنووری گوندەکانی سۆفیان، مەرگە، هەڵوەنە و نۆڵچکەی سەربە ناحیەی بنگرد، ڕووداوێکی ئاگرکەوتنەوە هەبووە و بەهۆیەوە هەزار دۆنم پووش و پاوان سووتاون و نزیکەی دوو هەزار داربەڕوو زیانیان پێگەیشتووە. 

 

لەلایەکی دیکەوە: ئاگرێکی دیکە لە گوندەکانی گۆزەڕەقە، خەراجیان، وێڵە و داربەڕوو لە سنوورى ناحیەی عەربەت کەوتەوە و  بەهۆیەوە نزیکەی 700 دۆنم پوش و پاوان سووتا.

 

زانیاریی زیاتر: بەڕێوەبەرایەتییەکە ئاماژەی بەوە داوە لە سنووری قەزای ماوەتیش ڕووداوێکی ئاگرکەوتنەوە هەبووە و  نزیکەی 80 دۆنم پووش و پاوان و 20 دۆنم ڕەز و باخی هاووڵاتیان سووتاون، هاووڵاتیەكیش بە هۆکاری کەوتنەوەی ئاگرەکە دەستگیر کرا .