لە ئیستەنبووڵ کرێی گواستنەوەی گشتی زیادکرا

ئاڤا نیوز 

بە بڕیاری گەورەشارەوانی ئیستەنبووڵ، کرێی گواستنەوەی گشتی بە ڕێژەی 13% زیادکرا، ئەمەش کاردانەوەی خاوەن تەکسییەکانی لێکەوتەوە.

وێنە گەورەکە: لە کۆبوونەوەی ناوەندی هەماهەنگی گواستنەوەی گەورەی شارەوانیی ئیستەنبووڵ، نرخی گواستنەوەی گشتی بە ڕێژەی 13% بەرزکرایەوە. 

ناوەرۆکی بڕیارەکە: لە چوارچێوەی ئەم بڕیارەدا نرخی تەواوی بلیتەکان لە 17 لیرە بۆ 20 لیرە بەرزبووەتەوە. جگە لەوەش کەمترین کرێی مینی پاس لە 15 لیرە بۆ 18 لیرە بەرزبووەتەوە. هەروەها گۆڕانکاری لە کرێی تەکسیدا کرا؛ لە کاتێکدا نرخی هاتووچۆکردن بە تەکسی 100 لیرە بوو، ئێستا هەر لەگەڵ کردنەوەی تەکسیمەتر 30 لیرە دەخوێنێتەوە.

کاردانەوەکان: ئەم بریارە لە بەرژەوەندی خاوەن تەکسییەکان دەرکراوە، بەڵام ئەوان بەم زیادکردنە ڕازی نین و بە کەمی دەبینن. لەبەر ئەوەی ئەوان داوایان کردووە نرخی کرێی تەکسی 30٪ زیادبکرێت.

ئەوەی پێویستە بیزانیت:بڕیاری زیادکردنی کرێی گواستنەوەی گشتی  "سەرجەم تەکسی و پاسە نەفەرهەڵگرەکان" دەگرێتەوە، ئەمە لە کاتێکدایە، هەڵاوسانی ئابووری بەرۆکی توركیای گرتووە و ڕۆژانە نرخی کرێی خانووبەرەوە، کرێی تەکسی و شتوومەک بەرزدەبێتەوە.