پێنتاگۆن: هێرشەکەی سەر عەین ئەسەد بێ زیان بوو

ئاڤا نیوز

 

ئەمریکا هێرشکردنە سەر بنکەی سەربازیی عەین ئەسەد لە عێراق پشتڕاست دەکاتەوە و ڕایدەگەیێنێت، هیچ زیانێکی نەبووە.

 

ڕاگەیێنراوی فەرمی: وەزارەتی بەرگریی ئەمریکا ڕایگەیاندووە، "دەتوانین پشتڕاستی ئەوە بکەینەوە کە هێرشێک کراوەتە سەر ناوچەیەکی دەرەوەی بنکەکە و هیچ زیان و برینداربوونێکی لێ نەکەوتووەتەوە. لەم کاتەشدا هیچ زانیارییەک سەبارەت بە جۆر و ژمارەی ئەو مووشەکانەی کە ئاراستەکراون بەردەست نییە".

 

زانیاریی زیاتر: بە گوێرەی سەرچاوە میدیاییەکان بنکەکە بە دوو مووشەک کراوەتە ئامانج.

 

ئەوەی پێویستە بیزانیت: ‌هێشتا هیچ کەس و لایەنێک بەرپرسیارێتیی خۆی لە هێرشەکان ڕانەگەیاندووە، بەڵام پێشتر گرووپە چەکدارەکانی عێراق هێرشی لەم جۆرەیان ئەنجام داوە.