كووت.. نیمچە دوورگەیەكی بێ گەشتیار

ئاڤا نیوز

هەرچەندە لە شاری کووت دەیان ناوچەی گەشتیاری سرووشتی و ئایینی هەیە، بەڵام هیچ گەشتیارێک ڕووی تێناکات، هۆکارەکەشی نەبوونی خزمەتگوزارییە.

وێنە گەورەکە: هەڵکەوتەی جوگرافیای شاری کووت نیمچە دورگەیە کە له ‌سێ لاوه‌ بەئاو داپۆشراوە و دەکەوێتە سەر ڕووباری دیجلەوه‌ و چەندین لقی لێ جیادەبێتەوە وەک دجێلی، غه‌رراف، شەتره‌ و به‌دیعە .

لێدوانی فەرمی: محەممەد حوسێن،  بەڕێوەبەری گەشتیاری پارێزگای واست به‌ئاڤا نیوزی گوت: کۆرنیشی کووت شوێنێكی گه‌شتیاری دڵگیره‌ و ده‌كه‌وێته‌ سه‌ر ڕووباری دیجلەوه‌، دەکرا چه‌ندین گازینۆ، پاڕک , چێشتخانه‌ و هۆتێلی له‌سه‌ر درووست بكرایە، به‌ڵام به‌پیچه‌وانه‌وه‌ , ئێستا ته‌نیا کارگەی دارتاشی و نەخۆشخانە و نۆرینگەی پزیشکی نایاسایی له‌سه‌ر درووست كراوه‌.

باكگراوند: شاری کووت سه‌نته‌ری پارێزگای واستە، دەکەوێتە ناوەڕاستی عێراقه‌وه‌  180کێلۆمەتر لە بەغدای پایتەخته‌وه‌ دوورە.