حەلبووسی چەند بژاردەیەک لەبارەی سەرۆکایەتیی پەرلەمان دەخاتە ڕوو

ئاڤا نیوز 

سەرۆکی پێشووی پەرلەمانی عێراق، سێ بژاردەی قورس دەخاتە بەردەم چوارچێوەی هەماهەنگی بۆ هەڵبژاردنی سەرۆکێکی نوێ بۆ پەرلەمانی عێراق.

وێنە گەورەکە: لە ڕۆژی چوارشەممەی ڕابردوو، محەممەد حەلبووسی، سەرۆکی پارتی تەقەدووم و چەند سەرکردەیەکی دیکەی سوننەکان لە کۆبوونەوەی چوارچێوەی هەماهەنگی بەشدارییان کردووە، حەلبووسی سێ پێشنیازی داوەتە لایەنەکان لەبارەی سەرۆکایەتیی پەرلەمان.

زانیاریی بەدەستهاتوو: هەڵبژاردەی یەکەم: لایەنە سوننەکانی دیکە سێ بەربژێر پێشکەش بکەن و حەلبووسی یەکێکیان هەڵبژێرێت و لەگەڵ ئەوەشدا پۆستی وەزارەتی بازرگانی بە حەلبووسی بدرێت.

هەڵبژاردەی دووەم: حەلبووسی سێ بەربژێر پێشکەشی لایەنەکانی دیکەی سوننە دەکات بۆ هەڵبژاردنی یەکێکیان و لەبەرامبەردا دەستبەرداری پۆستی وەزارەتی بازرگانی دەبێت.

هەڵبژاردەی سێیەم: پێشکەشکردنی سێ بە تەمەنترین پەرلەمانتاری سوننە و هەڵبژاردنی یەکێکیان بۆ پۆستی سەرۆکایەتی پەرلەمان. 

ئەوەی پێویستە بیزانیت: دوای پێنج هەوڵ و سێ دانیشتن لەماوەی حەوت مانگدا تاوەکو ئێستا پەرلەمانی عێراق نەیتوانیوە سەرۆکێکی نوێی هەڵبژێرێت.