فەرمانبەرێک لە نەینەوا بۆ  مامەڵەیەکی خانەنشینی شەش ملیۆن دینار وەردەگرێت

ئاڤا نیوز  

دەستەی دەستپاکیی عێراق ڕایگەیاند، فەرمانبەرێکیان لەکاتی وەرگرتنی بەرتیل لە بەڕێوەبەرایەتی خانەنشینی نەینەوا دەستگیرکردووە، هاوکات دوو تۆمەتباری دیکەش دەستگیرکراون.

وێنه‌ گه‌وره‌كه‌:  لە دوای ساڵی 2003ـەوە، گەندەڵی لە عێراق بووەتە دیاردە و زۆربه‌ی دامەزراوەکانی دەوڵەتی گرتووەتەوە و ڕۆژانە چەندین بەرپرس و ئەفسەری پلە باڵا و فەرمانبەری ئاسایی دەستگیر دەکرێن.

ڕاگەیێنراوی فەرمی: تیمێکی کاری سەر بە بەڕێوەبەرایەتی لێکۆڵینەوەی نەینەوا توانییان فەرمانبەرێک و دوو تۆمەتبار لە بەڕێوەبەرایەتی خانەنشینی پارێزگاکە دەستگیر بکەن، لەو کاتەی خەریکی دابەشکردنی پارە بوونە لەنێوان خۆیان کە لە بەرامبەر تەواوکردنی مامەڵەیەکی خانەنشینی بە بەرتیل وەریان گرتبوو.

زانیاریی زیاتر: لەگەڵ دەستگیرکردنی ئەو سێ تۆمەتبارە، دەست بەسەر شەش ملیۆن دیناریش گیرا کە لە یەکێک لە کەسوکاری شەهیدانیان وەرگرتبوو لە بەرامبەر تەواوکردنی مامەڵەی خانەنشینی.