لە سنووری سلێمانی 250 دار دەسووتێت

ئاڤا نیوز

بە هۆکارێکی نادیار ئاگرێک لە سنووری قەزای  دوکان 30 دۆنم پووش و پاوان دەسووتێنێت، بە هاوکاری دانیشتووانی ناوچەکە کۆنتڕۆڵ دەکرێت.

 

وێنە گەورەکە: لەگەڵ بەرزبوونەوەی پلەکانی گەرما حاڵەتی کەوتنەوەی ئاگر زیاد دەبن، بەشێکی زۆریان سووتانی زەوی داچێنراو بە دانەوێڵە،  پووش و پاوان، باخی هاووڵاتییان لە دەرەوەی سەنتەری شارەکان و داری سرووشتین.

 

ڕاگەیێنراوی فەرمی:  بەڕێوەبەرایەتیی پۆلیسی دارستان و ژینگەی سلێمانی ڕایگەیاند، لەگەڕەکی (بانوان) ـی قەزای دوکان ئاگرێکی بەرفراوان کەوتووەتەوە، نزیکەی 30 دۆنم پوش و پاوان و نزیکەی 250 داری سنۆبەر و کالیب تۆزی سووتاندووە.

 

زانیاریی زیاتر: بەشی پۆلیسی دارستانی دوکان بەهاوکاری بنکەی ئاگرکوژێنەوە، ئاسایشی دوکان و هاووڵاتییان توانیان ئاگرەکە لەماوەی چەند کاتژمێرێکدا کۆنتڕۆڵ بکەن، بەڕێوەبەرایەتیی پۆلیسی دارستان و ژینگەی سلێمانی وای گوت. 

 

ئەوەی پێویستە بیزانیت: بەگوێرەی ئاماری بەرگریی شارستانی هەرێمی کوردستان، لە شەش مانگی سەرەتای ئەمساڵ نزیکەی هەزار و 300 ڕووداوی ئاگركەوتنەوە و خنكان و هەڵدێران لە هەرێمی كوردستان تۆمارکراون.