بەغدا لە ڕیزبەندی 13یەمین پیسترین شاری جیهانە

ئاڤا نیوز

 

لەڕووی پیسبوون بە ڕێژەی دەردانی دووەم ئۆکسیدی کاربۆن، بەغدا لە ڕیزبەندی 13یەمین شاری جیهاندا دێت.

 

وێنە گەورەکە: بەهۆی بەرهەمهێنانی نەوت و گۆڕانی کەشوهەوا، ژینگەی عێراق تا دێت پیستر و ناتەندروستر دەبێت، تاوەکو ئێستاش حکومەتی فیدڕاڵ هیچ هەنگاوێکی کردەیی نەگرتووەتەبەر بۆ ڕێگریکردن لەو گۆڕانە. 

 

ڕاگەیێنراوی فەرمی: فازڵ غەراوی، سەرۆکی سەنتەری ستراتیژی بۆ مافەکانی مرۆڤ لە عێراق ڕایگەیاند، "بەغدا لە ڕیزبەندی 13یەمین دا دێت وەک پیسترین شارەکانی جیهان بە دەردانی دووەم ئۆکسیدی کاربۆن، هەولێریش لە ڕیزبەندی 336یەمین دایە".

 

زانیاریی زیاتر: ڕێژەی چڕیی دووەم ئۆکسیدی کاربۆن لە عێراق لە سێ ساڵی ڕابردوودا تا ساڵی 2024 بە ڕێژەی حەوت هێندەی ساڵی 2021 زیادی کردووە، ئێستاش ساڵانە بە ڕێژەی  4.88 % زیاد دەکات، غەڕاوی وای گوت. 

 

هۆکارە زانراوەکان: کەرتی نەوت، کارەبا و گواستنەوە بەرزترین سەرچاوەی دەردانی ئەم گازەن لە عێراقدا، گازەکانی پەیوەست بە کێڵگە نەوتییەکان لە پلەی یەکەمدان بە ڕێژەی 450%.