هەناردەی نەوتی عێراق لە مانگی شەش زیاتر لە 102 ملیۆن بەرمیل بووە

ئاڤا نیوز 

 

وەزارەتی نەوتی عێراق کۆی هەناردەی نەوتی وڵاتەکەی لە مانگی حوزەیرانی ڕابردوو ئاشکرا دەکات کە زیاتر لە 102 ملیۆن بەرمیل بووە و زیاتر لە 300 هەزار بەرمیل نەوتیشی ڕەوانەی ئوردن کردووە. 

 

ڕاگەیێنراوی فەرمی: وەزارەتی نەوتی عێراق ڕایگەیاند: کۆی هەناردەی مانگی حوزەیران لە ڕێگەی کۆمپانیای بەبازاڕکردنی نەوتی عێراق – سۆمۆ، 102 ملیۆن و 314 هەزار و 548 بەرمیل نەوت بووە.

 

ژمارەکان وا دەڵێن: بڕی 102 ملیۆن و 11 هەزار و 928 بەرمیل لە کێڵگە نەوتییەکانی ناوەڕاست و باشووری عێراقەوە هەناردە کراوە، 302 هەزار و 620 بەرمیلیش هەناردەی وڵاتی ئوردن کراوە.

 

ئەوەی پێویستە بیزانیت: ئەو بڕە نەوتەی عێراق بە ئوردنی دەفرۆشێت، نەوتی کەرکووکە و بە 16 دۆلار کەمتر لە نرخی نەوتی برێنت بەو وڵاتەی دەفرۆشێت کە ڕۆژانە 15 هەزار بەرمیلە.