سوودانی لیژنەیەک بۆ لێکۆڵینەوە لە مردنی گاندی کەسنەزانی پێکدەهێنت

ئاڤا نیوز 

 

محەممەد شیاع سودانی، سەرۆکوەزیرانی عێراق، بۆ "ڕەواندنەوەی هەر گومانێک" لە مردنی گاندی کەسنەزانی فەرمانی پێکهێنانی لیژنەیەکی هاوبەشی لە هه‌ردوو  وەزارەتی ناوخۆ و تەندروستی بۆ لێکۆڵینەوە له‌ هۆكاری مردنی دا. 

 

وێنە گەورەکە: گاندی كه‌سنه‌زانی، په‌رله‌مانتاری عێراق و برای شێخ نه‌هرۆ كه‌سنه‌زانی به‌هۆی جه‌ڵته‌وه‌ ئێواره‌ی ڕۆژی یەکشەممە 28-07-2024 له‌ به‌غدا كۆچی دوایی كرد. 

 

هۆکارە زانراوەکان: د.عائید هیلالی، ڕاوێژکاری میدیایی سەرۆکوەزیرانی عێراق بۆ ئاڤا نیوزی ڕاگەیاند: بۆ ڕەواندنەوەی هەر گومانێک لە مردنی گاندی کەسنەزانی، سەرکوەزیرانی عێراق فەرمانی پێکهێنانی لیژنەیەکی هاوبەشی لە وەزارەتەکانی تەندروستی و ناوخۆ دا، بۆ لێکۆڵینەوە لە مردنەکەی. 

 

زانیاریی زیاتر: ژمارەیەک په‌رله‌مانتار و وەزیر ئێستا لە نەخۆشخانەی که‌فائه‌ لە ناوچه‌ی حارسییەی به‌غدا كۆبوونه‌ته‌وه‌، بەپێی ئەنجامی لێکۆڵینەوەکە پشتڕاست کرایەوە کە بە جەڵتەوە کۆچی دوایی کردووە. 

 

ئه‌مه‌ش بزانه‌: گاندی محه‌ممه‌د که‌سنه‌زانی، لەدایکبووی ساڵی 1972، سیاسەتمەدارێکی عێراقییە و هه‌ڵگری بڕوانامەی ماستەرە لە پەیوەندییە نێودەوڵەتییەکان،  پەیوەندی بە فراكسیۆنی "موباده‌ره‌"ـەوه‌ كرد پاش ئه‌وه‌ی له‌ پارته‌كه‌ی حه‌لبووسی جیابووەوە.