دەرچووانی زانکۆ لە بەغدا خۆپێشاندان دەکەن

ئاڤا نیوز

سەدان دەرچووی بەشە پزیشیکی و تەندروستییەکانی سەرجەم پارێزگاکانی عێراق لە بەغدا و، هاوکات خانەنشینان و دەرچووانی زانکۆ لە پارێزگای زیقار خۆپێشاندان دەکەن و داواکارییان هەیە.

چی ڕوودەدات: ئەمڕۆ دووشەممە لە بەغدا سەدان دەرچووی بەشە پزیشیکی و تەندروستییەکانی سەرجەم پارێزگاکانی عێراق چوونە بەردەم وەزارەتی دارایی.

هۆکارە زانراوەکان: خۆپیشاندەران بەپێی یاسا بە مافی خۆیانی دەزانن دابمەزرێنرێن، بەڵام تاوەکو ئێستا دانەمەزراون و دەشڵێن تاوەکو بەدەم داواکاریییەکانیانەوە نەچن لە خۆپیشاندان بەردەوم دەبن.

 

لەلایەکی دیکە: لە پارێزگای زیقار خانەنشینان ڕێگەی سەرەکی قەزای فەجر و ڕەفاعییان داخست و داوایان لە پارێزگاری زیقار کرد بەپێی ڕێکار و ڕێنماییەکان زەوییان بۆ تەرخان بکرێت. دەرچووانی زانکۆکانی ئەو پارێزگایەش چوونە بەردەم باڵەخانەی پارێزگا و داوای دامەزراندن دەکەن.