گرووپێكی عێراقی كۆتایی هاتنی ئاگربەستی دژی ئەمریكا ڕاگەیاند

ئاڤا نیوز 

بزووتنەوەی چەکداریی نوجەبا دوای پێنچ مانگ، کۆتاییهاتنی ئاگربەستی دژی هێزەکانی ئەمریکا ڕاگەیاند.

وێنە گەورەکە: بزووتنەوەی چەکداریی نوجەبا کە سەر بە ئێرانە و بەشێکە لە گرووپە چەکدارەکانی "مقاوەمەی ئیسلامی" دەستپێکردنەوەی هێرشەکانیان بۆ سەر بنکە سەربازییەکانی ئەمریکا لە عێراق ڕاگەیاند.

ڕاگەیێنراوی فەرمی: مەهدی کەعبی، ئەندامی ئەنجوومەنی سیاسیی بزووتنەوەی نوجەبا لە میانی چاوپێکەوتنێکی ڕۆژنامەوانیدا ڕایگەیاند"ئاگربەستی هێزەکانی مقاوەمەی ئیسلامی لە عێراق دژی هێزەکانی ئەمریکا کۆتایی هاتووە". 

ئەوەی پێیویستە بیزانیت: بزووتنەوەی چەکداریی نوجەبا لە مانگی شووباتی ڕابردوو وەستاندنی هێرشەکانی بۆ سەر بنکە سەربازییەکانی ئەمریکا لە عێراق ڕاگەیاند، بەڵام لەگەڵ گرووپە چەکدارەکانی دیکە بەشداری چەندین هێرشی بۆ سەر ئیسرائیل کرد.