شیعەكان لەبارەی پرسی سەرۆکی پەرلەمان كۆتا وادە دەدەنە سوننەکان

ئاڤا نیوز

وێڕای گفتوگۆکانیان لەبارەی پرسی سەرۆکی پەرلەمان، بەڵام تاوەکو ئێستا لایەنە سوننەکان نەگەیشتوونەتە ڕێککەوتن، لایەنە شیعەکانیش فشارەکانیان زیاد کردووە و وادەی کۆتاییان دیاریکردووە.

وێنە گەورەکە: دوای پێنج هەوڵ و سێ دانیشتن لەماوەی حەوت مانگدا، تاوەکو ئێستا پەرلەمانی عێراق نەیتوانیوە سەرۆکێکی نوێ هەڵبژێرێت و هۆکارەکەشی بۆ ڕێکنەکەوتنی لایەنە سوننەکان دەگەڕێنرێتەوە.

لێدوانی فەرمی: زۆزان کۆچەر، پەرلەمانتاری پارتی لە پەرلەمانی عێراق بە ئاڤا نیوزی ڕاگەیاند: وەکو پارتی لەگەڵ ئەوەداین لایەنە سوننەکان ڕێکبکەون بۆ دانانی سەرۆکێک و فشارێکی پەرلەمانی هەیە بۆ ئەوەی چیتر ئەو پرسە درێژە نەکێشێت و لەم یەک دوو هەفتەیەدا دانیشتن بکرێت.

لە لایەکی دیکەوە: ئەحمەد موسەوی، پەرلەمانتاری چوارچێوەی هەماهەنگی بە ڕۆژنامەی "عەرەبی جەدیدی گوتووە: هاوپەیمانێتیەکەیان بە لایەنە سیاسیەکانی سوننەیان ڕاگەیاندووە، دواین وادە بۆ یەکلاکردنی ناکۆکییەکانیان کۆتایی ئەم هەفتە یان سەرەتای هەفتەی داهاتووە وەک دوورترین وادە، ئەگەرنا داوای بەڕێوەچوونی دانیشتنی هەڵبژاردنی سەرۆکی پەرلەمان دەکرێت.