لەئەگەری سەرکەوتنی ترەمپ نرخی زێڕ زیاتر بەرزدەبێتەوە

ئاڤا نیوز

بە گوێرەی راپرسییەکی بلوومبێرگ مارکێتس لایڤ پۆلس (Bloomberg Markets Live Pulse)، بە سەرکەوتنی دۆناڵد ترەمپ نرخی زێڕ وەک پەناگەیەکی ئارام بەرزدەبێتەوە. 

چیرۆکی سەرەکی: بە گوێرەی راپرسییەکی ئاژانسی بلوومبێرگ، کە 480 کەس بەشدارییان کردووە دەڵێن، خواست بۆ زێڕ وەک پەناگەیەکی ئارام بەڕێژەی 1٪ تاوەکو 2٪ بەرزدەبێتەوە. 60٪ـی بەشداربووانی راپرسییەکە پێیان وایە سەرکەوتنی ترەمپ پێنوێنی دۆلار دادەبەزێنێت.

هۆکارە زانراوەکان: گریگۆری شیرەر، راوێژکار لە جەی پی مۆرگان چیس ئاند کۆ دەڵێت، کۆمەڵیک فاکتەر وادەکات نرخی زێڕ بەرزبێتەوە، لە دیارترینیان ناکۆکییە جیۆسیاسییەکان، کورتهێنانی بودجەی ئەمریکا، هەمەجۆرکردنی یەدەگکردن لەلایەن بانکە ناوەندییەکان خواستیان بۆ زێڕ، هەروەها خۆپاراستن لە مەترسییەکان هەڵاوسان، هەموو ئەو هۆکارانە وادەکەن نرخی زێڕ بەرزبێتەوە. 

ئەوەی پێویستە بیزانیت: لە ڕابردووش راپرسییەکانی بلوومبێرگ تاڕادەییەکی زۆر نزیک بوون لە راستییەوە، بە جۆرێک لە خولی پێشووی سەرۆکایەتی ترەمپ، راپرسییەکە ئاماژەی بەوەدابوو، پێنوێنی دۆلار 10٪ دادەبەزێت، نرخی زێڕیش 50  بەرزدەبێتەوە. ئەوەش نزیکبوو لە ڕاستییەوە.