ئومێد سەباح: مووچەی مانگی حەوتی فەرمانبەران هیچ گرفتێكی نییە

ئاڤا نیوز

 

سەرۆكی دیوانی سەرۆكایەتیی ئەنجوومەنی وەزیرانی هەرێمی كوردستان، نوێترین زانیاری لەبارەی مووچەی مانگی حەوتی فەرمانبەران ئاشكرا دەكات.

 

بۆچی گرنگە: بڵاوبوونەوەی هەواڵی نەبوونی كێشە لە دابەشكردنی مووچە، بۆ فەرمانبەران گرنگە و سەرۆكی دیوانی ئەنجوومەنی وەزیرانیش لەمبارەیەوە دڵنیایی دەدات.

 

لێدوانی فەرمی: ئومێد سەباح، لە کۆنگرەیەکی ڕۆژنامەوانیدا لە سلێمانی سەبارەت بە مووچەی مانگی حەوتی فەرمانبەران ڕایگەیاند: لیستەكانمان بۆ بەغدا ناردووە لە پەیوەندیداین لەگەڵ بەغدا و پێش ئەوەی بێمە ئێرە قسەم لەگەڵ بەرپرسانی بەغدا كرد و پێیان گوتم كە مووچە هیچ گرفتێكی نییە.

 

زانیاریی زیاتر: مووچەی ئەم مانگەی فەرمانبەرانی حكوومەتی عێراق چەند ڕۆژێک دواكەوتووە.