په‌رله‌مانی عێراق شه‌ممه‌ی داهاتوو بۆ چه‌ند پرسێک کۆده‌بێته‌وه‌

ئاڤا نیوز

په‌رله‌مانی عێراق کارنەمەی دانیشتنی هه‌ردوو ڕۆژی شه‌ممه‌ و یه‌کشه‌ممه‌ی داهاتووی ڕاگەیاند، پرسی هه‌ڵبژاردنی سه‌رۆکی په‌رله‌مان لەخۆناگرێت.

ڕاگەیێنراوی فەرمی: نووسینگەی پەرلەمانی عێراق کارنامەی دانیشتنی هه‌ردوو ڕۆژی شه‌ممه‌ و یه‌کشه‌ممه‌ی ڕاگەیاند، بەپێی کارنامەکە بۆ ڕۆژی شه‌ممه‌ کە بڕیارە کاتژمێر یه‌کی پاشنیوه‌ڕۆ دەستپێبکات، سێ بڕگە لەخۆدەگرێت کە بریتین لە:

یەکەم: خوێندنەوەی یەکەم بۆ ڕەشنووسی یاسای هەمواری دووەمی یاسای لێبوردنی گشتی
دووەم: خوێندنەوەی یەکەم بۆ پرۆژەیاسای ڕەشنووسی یاسای ناوبژیوانی
سێیەم: گفتوگۆکردن و خوێندنەوەی دووەم بۆ پرۆژەیاسای قەرەبووکردنەوەی موڵک و ماڵی ئەو کەسانەی بەهۆی ڕژێمی پێشووەوە زیانیان بەرکەوتووە.

زانیاریی زیاتر: هه‌ر به‌پێی بڵاوکراوه‌که‌ی نووسینگەی پەرلەمانی عێراق کارنامەی دانیشتنی ڕۆژی یه‌کشه‌ممه‌ کە بڕیارە کاتژمێر یه‌کی پاشنیوه‌ڕۆ دەستپێبکات، چوار بڕگە لەخۆدەگرێت ئه‌وانیش بریتین لە:
یەکەم: گفتوگۆکردن و خوێندنەوەی پرۆژەیاسای به‌ده‌ستهێنانی زانیاریی
دووەم: گفتگۆکردن و خوێندنەوەی پرۆژەیاسای پەیوەندی عێراق بە ڕێککەوتنی نێودەوڵەتی پاریسه‌وه‌ 
سێیەم: گفتوگۆکردن و خوێندنەوەی پرۆژەیاسای پارێزەران
چوارەم: گفتوگۆکردن و خوێندنەوەی پرۆژەیاسای پەسەندکردنی ڕێککەوتنی گواستنەوەی ئاسمانی نێوان عێراق و سووریا.