سبەی سلێمانی خولەکێک دەوەستێت

ئاڤا نیوز  

پارێزگاری سلێمانی بڕیاریداوە، سبەی کاتژمێر 10ی بەیانی بۆ ساڵیادی تاوانی جینۆسایدی ئێزدییەکان، ماوەی یەک خولەک هاتووچۆ لە شەقامە سەرەکییەکان بوەستێت.

وێنە گەورەکە: پەرلەمانی کوردستان لە سێی ئابی 2019 بڕیاریدا هەموو ساڵێک ئەو ڕۆژە بکرێت بە یادی جینۆسایدی ئێزدییەکان، تا ئێستا هەریەکە لە پەرلەمانەکانی بەریتانیا، هۆڵەندا، ئەڵمانیا و بەلجیکا ئەو تاوانەیان بە جینۆساید ناساندووە.

لێدوانی فەرمی: د.هەڤاڵ ئەبوبەکر، پارێزگاری سلێمانی بە ئاڤا نیوزی ڕاگەیاند: لە ساڵیادی ئەو تاوانەی بەسەر خوشک و برا ئێزدییەکانمان هات، بۆ پشتیوانیکردنی بڕیاری هەردوو سەرۆکوەزیرانی عێراقی فیدراڵ و هەرێمی کوردستان، سبەی یەک خولەک دەوەستین و هاتووچۆ ڕادەگرین.

زانیاریی زیاتر: د.هەڤاڵ ئەبوبەکر دەڵێت: بڕیارەکە بۆ هەموو سنووری پارێزگای سلێمانییە و پێویستە کاتژمێر 10ی بەیانی بۆماوەی خولەکێک جوڵەی هاتووچۆی ئۆتۆمبێل لە ڕێگا سەرەکییەکان ڕابگیرێت.