بەڕێوەبەری فڕۆکەخانەی هەولێر: گەشتەکان ڕانەگیراون

ئاڤا نیوز

 

دوای ئەوەی دەنگۆی ڕاگیرانی گەشتەکانی فڕۆکەخانەی نێودەوڵەتیی هەولێر بڵاوکرایەوە، ئەحمەد هۆشیار، بەڕێوەبەری فڕۆکەخانەی هەولێر بۆ ئاڤا نیوز ڕایگەیاند "گەشتەکانی فڕۆکەخانەی هەولێر بەردەوامە و ڕانەگیراوە".

 

وێنە گەورەکە: دوای کوژرانی ئیسماعیل هەنیە، ئێران هەڕەشەی تۆڵەسەندنەوە لە ئیسرائیل دەکات، چاوەڕوان دەکرێت ئەمشەو ئێران "هێرشی تۆڵەسەندنەوە" دەستپێبکات، بۆیە چەندین وڵات گەشتەکانیان لەگەڵ ئێران ڕاگرتووە.

 

زانیاریی زیاتر: لەگەڵ بڵاوبوونەوەی هەواڵی ڕاگرتنی گەشتی وڵاتان لەگەڵ ئێران، دەنگۆی ئەوە بڵاوبووەوە کە گوایە گەشتەکانی فڕۆکەخانەی نێودەوڵەتیی هەولێر ڕاگیراون.

 

لێدوانی فەرمی: ئەحمەد هۆشیار، بەڕێوەبەری فڕۆکەخانەی نێودەوڵەتیی هەولێر بۆ ئاڤا نیوز ئەو دەنگۆیانەی ڕەتکردەوە و ڕایگەیاند: گەشتەکانی فڕۆکەخانەی هەولێر بەردەوامن و ڕانەگیراون.