خەزانێكی غاز لە وێستگەی كارەبای چەمچەماڵ گڕ دەگرێت

ئاڤا نیوز

 

ئاگر لە خەزانێکی وێستگەی بەرهەمهێنانی كارەبای چەمچەماڵ كەوتەوە، تیمەكانی ئاگركوژێنەوە سەرقاڵی كۆنتڕۆڵكردنین.

وێنە گەورەكە: ئاگر لە وێستگەی بەرهەمهێنانی كارەبا لە قەزای چەمچماڵ كەوتووەتەوە، بەپێی گوتەی قایمقامی قەزاكەش ئاگرەكە كاریگەری لەسەر بەرهەمهێنانی كارەبای وێستگەكە نابێت.

لێدوانی فەرمی: ڕەمك ڕەمەزان، قایمقامی چەمچەماڵ بە ئاڤا نیوزی گوت: خەزانێكی غاز لە وێستگەی كارەبای چەمچەماڵ گڕی گرتووە و تیمەكانی بەرگریی شارستان لە هەوڵی كۆنتڕۆڵكردنیدان.

زانیاریی زیاتر: قایمقامی چەمچەماڵ دڵناییدا ئاگرەكە كاریگەریی لەسەر بەرهەمهێنانی كارەبای وێستگە نییە و لە وێستگەكەوە دوورە.