26%ـی پەرلەمانتارانی عێراق: تەمەنی خانەنشینی بکرێتەوە 63 ساڵ

ئاڤا نیوز

 

88 پەرلەمانتاری عێراق واژۆیان لەسەر پڕۆژەیاسایەک کردووە و تیایدا داوا دەکەن تەمەنی خانەنشینی فەرمانبەرانی دەوڵەت بکرێتەوە بە 63 ساڵ.

 

وێنە گەورەکە: ساڵی 2019 پەرلەمانی عێراق یاسای خانەنشینی یەکگرتووی هەموار کردەوە و بەگوێرەی هەموارەکەش تەمەنی خانەنشینی لە 63 ساڵەوە بۆ 60 ساڵ کەم کرایەوە.

 

ڕاگەیێنراوی فەرمی: عەلیە نەسیف، ئەندامی ئەنجوومەنی نوێنەرانی عێراق نوسراوێکی بڵاوکردووەتەوە تیایدا، 88 پەرلەمانتار واژۆیان لەسەر پڕۆژەیاسایەک کردووە بەناوی پڕۆژەیاسای 'هەمواری دووەمی یاسای خانەنشینی یەکگرتوو' و داوای هەمواری برگەی یەکەمی ماددەی 10ی یاساکە دەکەن، کە تایبەتە بە دیاریکردنی تەمەنی خانەنشینبوونی فەرمانبەران.

زانیاریی زیاتر: بەگوێرەی نێوەڕۆکی ئەو نووسراوەی 88 پەرلەمانتارەکە واژۆیان لەسەر کردووە، داوا دەکرێت تەمەنی خانەنشینی لە 60 ساڵەوە زیاد بکرێت بۆ 63 ساڵ.

 

باکگراوند: پێشتر کەمکردنەوەی تەمەنی خانەنشینی ناڕەزایی بەشێک لە شارەزایانی کارگێڕی لێکەوتبوویەوە، بەڵام بڕیاربەدەستدانی عێراق لەو کاتەدا بەهۆکاری ئەوەی یاساکە دەرفەتی کار بۆ گەنجان زیاد دەکات، پاڵپشتیی هەموارەکەیان کرد.