دوو سەربازی ئەمریکی لە عێراق گیانیان لەدەستدا

ئاڤا نیوز

 

سووپای ئەمریکا گیان لەدەستدانی دوو سەربازی لە یەکەی هێزی پاسەوانی نیشتیمانیی ویلایەتی جۆرجیا لە عێراق ڕاگەیاند و دەڵێت، لە ئەرکی سەربازیی نەبووە.

 

وێنە گەورەکە: ڕۆژی چوارشەممە 31ـی تەمموز، دوو سەربازی ئەمریکی لە یەکەی هێزەکانی پاسەوانیی نیشتیمانی ویلایەتی جۆرجیا لە بەغدا  گیانیان لەدەستداوە و سووپاش لێکۆڵینەوە لە هۆکارەکەی دەکات.

 

ڕاگەیێنراوی فەرمی: سووپای ئەمریکا ڕایگەیاندووە، هیچ نیشانەیەک نییە ڕووداوەکە تاوانکاریی بێت و دوو سەربازەکە لە مەیدانی شەڕدا گیانیان لەدەست نەداوە، سووپای ئەمریکا دەشڵێت، لێکۆڵینەوە لە هۆکاری مردنی سەربازەکان دەکات.

 

زانیاریی زیاتر: یەکەی پاسەوانیی نیشتیمانیی ویلایەتی جۆرجیا لە مانگی کانوونی یەکەمی ڕابردوو لە ڕۆژهەڵاتی ناوەڕاست و عێراق بڵاوەیان پێکراوە.