ئەندامێکی ئەنجوومەنی پارێزگای سلێمانی: پاڵاوگە نایاساییەکان شەوان کار دەکەن

ئاڤا نیوز

 

بە گوتەی پارێزگاری سلێمانی بێت، هیچ پاڵاوگەیەکی نایاسایی لە شاری سلێمانی نییە، بەڵام ئەندامێکی ئەنجوومەنی پارێزگا دەڵێت: پاڵاوگەی نایاسایی هەیە و بە شەوان کار دەکەن.

 

وێنە گەورەکە: چەند ڕۆژێکە هەڵمەتی داخستنی پاڵاوگە نایاساییەکان لە سنووری پارێزگای هەولێر دەستیپێکردووە، ئاڤا نیوز بەدواداچوونی کردووە بۆ داخستنی پاڵاوگە نایاساییەکانی سنووری پارێزگای سلێمانی.

 

لێدوانی فەرمی: د. هەڤاڵ ئەبوبەکر، پارێزگاری سلێمانی بە ئاڤا نیوی گوت: هیچ پاڵاوگەیەکی نایاسایی لای ئێمە نییە، بۆ بەدواداچوونی مۆلیدەی گەڕەکەکانیش بەردەوام لیژنە سەردانیان دەکەن.

 

لەلایەکی دیکەوە: کەریم عەلی، سەرۆکی لیژنەی پیشەسازی و وزە لە ئەنجوومەنی پارێزگای سلێمانی بە ئاڤا نیوزی گوت: ژمارەی پاڵاوگە نایاساییەکانی سلێمانی 26 پاڵاوگە بوون، بەڵام 24 کاریان دەکرد، ئێستا ژمارەیەکی کەمیان بە شەوان لە ناوچەی تانجەڕۆ کار دەکەن.

 

کاریگەری و لێکەوتەکان: ئەو پاڵاوگانە گازی کوالێتیی خراپ بەرهەم دەهێنن و دەیفرۆشنەوە مۆلیدەی گەڕەکەکان، لەبەر ئەوەی ئەو گازە نرخی هەرزانترە و پشکنینی بۆ ناکرێت.