فەرمانگەی ژینگەی سلێمانى ژمارەیەک فەرمانبەری نوێی دەوێت

ئاڤا نیوز

 

بنكەی ژینگەی بازیان لە پارێزگای سلێمانی چەند هەلێکی کار بە شێوەی گرێبەست ڕادەگەیێنێت.

ڕاگەیێنراوی فەرمی: فەرمانگەی ژینگەی پارێزگای سلێمانی دەڵێت: "لە دوای كردنەوەی بنكەی ژینگەی بازیان لەسەر فەرمانی سەرۆكایەتیی ئەنجوومەنی وەزیران و دەستەی پاراستن و چاككردنی ژینگە، پێویستییمان بە چەند پسپۆڕییەک هەیە و بەشێوەی گرێبەست دایاندەمەزرێنین".

 

پسپۆڕییەكان بریتین لە؛

- دوو هەڵگری بروانامەی زانستیی ژینگەیی یان ئەندازیاری ژینگەیی

- یەک ئەندازیاری میكانیك

- یەک ئەندازیاری باخداری

- یەک پسپۆڕی كارگێڕی

 

 مەرجەکانی دامەزراندن بریتین لە؛

- پێویستە دانیشتووی قەزای بازیان و شارۆچكەكانی سەر بەقەزاكە بێت

- هەڵگری بڕوانامەی بەكالۆریۆس بێت

- ئارەزووی كاركردن و خزمەتكردنی ژینگەی هەبێت

ئەوەی پێویستە بیزانیت: فەرمانگەی ژینگەی سلێمانی دەشڵێت: "ئارەزوومەندان دەتوانن سیڤییەکانیان پێشکەشی فەرمانگەی ژینگەی پارێزگای سلێمانی بکەن و 13ـی ئەم مانگەش دوا دەرفەت دەبێت بۆ وەرگرتنی سیڤییەكان".