‎شاخی گۆیژە دەکرێتە ناوچەیەکی گەشتیاری

‎ئاڤا نیوز
‎

‎بەڕێوەبەرایەتی گەشتوگوزاری سلێمانی نەخشەیەكی گەشتیاری بۆ گۆیژە پێشنیاز كردووە كە شاخەكە بكرێتە پڕۆژە و ناوچەیەکی گەشتیاریی مۆدێرن.

 

‎‎ لێدوانی فەرمی: ئارام شوانی، گوتەبێژی بەڕێوەبەرایەتیی گەشتوگوزاری سلێمانی بە ئاڤا نیوزی ڕاگەیاند: پێشنیازێكمان كردووە بۆ سەرۆكایەتی شارەوانیی سلێمانی كە بەشێک لە سنووری شاخی گۆیژە بكرێتە پڕۆژەیەكی گەشتیاریی مۆدێرن. 

 

لەلایەکی دیکەوە: تاوەکو ئێستا ئەمە پێشنیازیێکە و تاوەکو ئێستا هیچ گرێبەستێک لەمبارەیەوە نەکراوە. 

 

‎ ئەوەی پێویستە بیزانیت: شاخی گۆیژە دەكەوێتە سنووری پارێزگای سلێمانی و بە سییەکانی سلێمانی ناسراوە، چەند ساڵێكە هەوڵی زیادکردنی نەمام دەدرێت بۆ سەوزكردنی، بەڵام ئەمساڵ ئاگری گرت و ڕێژەیەكی زۆر لە سەوزایی و نەمامەکانی سووتان.