130 كاسبكار سكاڵا لەسەر سووتانی بازاڕەكانی قەیسەری و لەنگە تۆمار دەكەن

ئاڤا نیوز

37 ڕۆژ بەسەر دەستگیرکردنی تۆمەتبارانی بازاڕەکانی هەولێر، دهۆک و کەرکووک تێپەڕ دەبێت، زیاتر لە 100 کاسبکار سکاڵایان لەسەر ئەو ڕووداوە تۆمار کردووە.

وێنە گەورەکە: بازاڕی قەیسەریی و لەنگەی هەولێر، بەشێک بوون لەو دەیان بازاڕەی هەولێر، كەركووك و دهۆك كە لە لایەن باندێكی سەر بە پەكەكە سووتێنران و بەهۆیەوە سەدان دووكاندار زەرەرمەند بوون.

لێدوانی فەرمی: نەبەز عەبدولحەمید، قایمقامی قەزای ناوەندی هەولێر بە ئاڤا نیوزی گوت: "تاوەکو ئێستا 130 کاسبکار لە بنکەکانی خانەقا، تەیراوە و ئیسکان سکاڵایان لەسەر بکەرانی سووتاندنی بازاڕەکانی قەیسەری و لەنگە تۆماکردووە".

گۆشەیەکی دیکەی دیمەنەکە: نۆژەنکردنەوەی بازاڕی لەنگە تەواوبووە و دوو كۆمپانیا لەسەر نۆژەنکردنەوەی بازاڕی قەیسەری به ‌چه‌ند شه‌فتێك ده‌كه‌ن، بڕی پێنج ملیار و 300 ملیۆن دینار بۆ نۆژه‌نكردنه‌وه‌كه‌ خەرج ده‌كرێت.

باکگراوند:ڕۆژی 01-07-2024 وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند.