ئەمریکا سێ کەس بە یارمەتیدانی ئێران تۆمەتبار دەکات

ئاڤا نیوز

 

ئەمریکا دوو هاووڵاتیی ئێرانی و یەکێکی پاکستانی بە دابینکردنی پشتیوانی ماددی بۆ "بەرنامەی چەکی کۆمەڵکوژی ئێران" تۆمەتبار دەکات. 

 

ڕاگەیێنراوی فەرمی: وەزارەتی دادی ئەمریکا لە ڕاگەیێنراوێکدا ڕایگەیاند، دوو ئێرانییەکە برای یەکدین و لە بەرژەوەندیی سوپای پاسداران چالاکی دەکەن، پاکستانییەکەش کاپیتانی کەشتییە و لە قاچاخیدا یارمەتی دوو براکەی داوە. 

 

زانیاریی زیاتر: پاکستانییەکە چاوەڕێی دادگەییکردنی دەکات، بەڵام دوو ئێرانییەکە دەستگیر نەکراون. 

 

ئەوەی پێویست بیزانیت: چەند ڕۆژ پێشتریش وەزارەتی گەنجینەی ئەمریکا پێنج کەس و حەوت کۆمپانیای لە چین و ئێران بە یارمەتیدانی بەرنامەی مووشەکی بالیستی و تەکنۆلۆژیایی درۆنیی ئێران سزا دا.