ئەندامێکی لیژنەی دارایی: قۆناغێکی دیکە بۆ وردبینی لیستی مووچە زیاد کراوە

ئاڤا نیوز

 

ئەندامێکی لیژنەی دارایی پەرلەمانی عێراق ڕایدەگەیێنێت، هێشتا وردبینی لیستی مووچەی مانگی حەوت تەواو نەکراوە.

 

وێنە گەورەکە: مانگانە وەزارەتی دارایی هەرێمی کوردستان، لیستی مووچەی مووچەخۆرانی ڕەوانەی بەغدا دەکات، بۆ ئەوەی لە کاتی خۆیدا بەغدا پارەکە ڕەوانە بکات و کێشە بۆ مووچەخۆران دروست نەبێت، بەڵام تاوەکو ئێستا مووچەی مانگی حەوتی فەرمانبەرانی هەرێمی کوردستان لەلایەن بەغداوە نەنێردراوە.

 

لێدوانی فەرمی: د. خەلیل دۆسکی بە ئاڤا نیوزی گوت: پێمان گوتراوە کە قۆناغێکی دیکەی وردبینی بۆ لیستی مووچە زیاد کراوە، پێشتر تەنیا دیوانی چاودێریی دارایی وردبینی دەکرد، بەڵام ئێستا بەڕێوەبەرایەتیی گشتیی بودجەش لە وەزارەتی دارایی عێراق وردبینی دەکات.

 

ئەمەش بزانە: ئەو ئەندامەی لیژنەی دارایی ئەوەشی گوت، ئەمڕۆ پەیوەندیم بە بڕیکاری وەزارەتی دارایی عێراقەوە کرد، بەڵام ئەویش نازانێت کەی وردبینیەکە تەواو دەبێت.

 

زانیاریی زیاتر: ڕۆژی سێشەممە 13-8-2024، لیژنەی دارایی پەرلەمان لەگەڵ سەرۆکوەزیران و ئەنجوومەنی وەزیرانی عێراق لەسەر پرسی بودجە کۆدەبنەوە.