پێداچوونەوە بە خەرجی و داهاتەکانی سلێمانی و دهۆک دەکرێت

ئاڤا نیوز

 

تیمی هاوبەشی چاودرێریی دارایی هەرێمی کوردستان و عێراق، بەردەوامە لە بەدواداچوون بۆ داهات و خەرجی فەرمانگەکان، ئێستا لە سلێمانی و دهۆک سەردانی فەرمانگەکان دەکەن.

 

وێنە گەورەکە: ماوەی هەفتەیەکە تیمێکی چاودێریی دارایی عێراق بۆ وردبینی لە خەرجی و داهاتەکانی حکومەتی هەرێمی کوردستان هاتوون، دەیانەوێت پێداچوونەوە بە خەرجی و داهاتەکانی هەموو مانگەکانی 2025 بکەن، تیمەکە بەسەر چەند لیژنەیەکدا دابەش بوون و سەردانی دامەزراوەکان دەکەن.

 

زانیاریی تایبەت: سەرچاوەیەک لە وەزارەتی دارایی و ئابووری هەرێمی کوردستان بە ئاڤای وت، "هێشتا کارەکانی تیمەکە تەواو نەبوون، ئێستا لە سلێمانی و دهۆکن، بەراوردی خەرجی و داهاتی فەرمانگەکان لەگەڵ داتای وەزارەتی دارایی دەکەن، دوای ئەوەی لەو شوێنانە تەواوبوون دەگەڕێنەوە هەولێر."

 

ئەوەی پێویستە بیزانیت: ئەمساڵ بۆ دووەم جارە تیمی دیوانی چاودێری دارایی عێراق، سەردانی هەرێمی کوردستان دەکەن، لە 15 چاودێر پێکهاتوون و بەسەر چەند لیژنەیەک دابەش دەبن، پێداچوونەوە بە تەرازووی پێداچوونەوە - میزان موراجەعە دەکەن، واتا پێداچوونەوە دەکەن بە خەرجی و داهاتەکانی سەرجەم وەزارەت و فەرمانگەکانی حکومەت.