بەغدا نزیکەی 24 ملیار دینار بۆ شایستەی دارایی جووتیاران دەنێرێت

ئاڤا نیوز

وەزارەتی بازرگانی عێراق، ڕەزامەندی گوژمەیەکی دیکەی خەرجکردنی شایستە داراییەکانی جووتیارانی وەرگرتووە، بەشێکی بۆ هەرێمی کوردستان دەنێرێت، بەمەش 70%ـی شایستەی دارایی جووتیاران دەمێنێت کە دەبێت لەلایەن بەغداوە ڕەوانە بکرێت.

وێنە گەورەکە: پارەی گەنمی ئەمساڵی جووتیاران زیاتر لە 310 ملیار دینارە، لەماوەی ڕابردوودا بەغدا بە دوو قۆناغ 72 ملیار دیناری وەک پشکی هەرێمی کوردستان ناردووە، بەم پشکەی ئێستاش دەبێتە 96 ملیار دینار، هێشتا نزیکەی 220 ملیار دینار دەمێنێت، کە ڕوون نییە ئەم مانگە دەنێردرێت یان دەکەوێتە مانگی داهاتوو.

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر؛ بە ئاڤای گوت، "لە کۆی 233 ملیار دینار کە ڕەزامەندی خەرجکردنی هەیە، 23 ملیار و 700 ملیۆن دینار، وەک پشکی جووتیارانی هەرێمی کوردستان دیاریکراوە و لەچەند ڕۆژی داهاتوو ڕەوانە دەکرێت."

ژمارەکان وا دەڵێن: ئەو 23 ملیار و 700 ملیۆنە بەمشێوەیە بەسەر پارێزگاکاندا دابەش دەبێت:

٠ هەولێر: حەوت ملیار و 700
٠ سلێمانی و هەڵەبجە: نۆ ملیار
٠ دهۆک: حەوت ملیار.