تورکیا مەرج بۆ کشانەوەی ‌هێزەکانی لە سووریا دادەنێت

ئاڤا نیوز

تورکیا ڕازی بووە بە چەند مەرجێک هێزەکانی خۆی لە سووریا بکشێنێتەوە، داواش دەکات لە سەر ئاستی وەزاری کۆبوونەوە بۆ ئەم بابەتە بکرێت.

وێنە گەورەکە: تورکیا و سووریا بە نێودەندگیریی ڕووسیا، لە هەوڵی ئەوەدان پەیوەندییەکانی نێوانیان دەستپێبکەنەوە کە بەهۆی شەڕی ناوخۆی ئەو وڵاتەوە تێکچوون؛ بەڵام بوونی هێزی سەربازیی تورکیا لە سووریا یەکێکە لە بەربەستەکان. 

لێدوانی فەرمی: یەشار گولەر، وەزیری بەرگریی تورکیا ڕایدەگەیێنێت ''تەنیا ئەوکاتە خاکی سووریا جێدەهێڵین کە دەستووری نوێ پەسەند بکرێت، هەڵبژاردن بکرێت و ئاسایشی سنوورەکان بپارێزرێت''. 
 
زانیاریی زیاتر: پلانی ئاساییکردنەوەی پەیوەندییەکانی نێوان هەردوولا لەکاتێکدایە تورکیا دەیەوێت ڕۆڵێکی سەرەکی لە دووبارە بنیاتنانەوەی سووریا بگێڕێت.